Ajaanibta faraha badan ee ka shaqeysata gudaha Somaliland oo xeerkii xakameyn laha laga tashanayo.
“Wasiirka Wasaaradda Shaqo-gelinta, Arrimaha Bulshada & Qoyska – JSL, Md. Eng.Cali Xoor Xoor oo uu wehelinayo Agaasimaha Guud, Md. Ahmed Hassan Aw Aden ayaa waxa uu saaka daah-furay kulan bulshadda lagula tashanayay oo ku saabsanaa Qabyo-qoraalka Xeer-nidaamiyaha Maamulka Shaqalaaha Ajaanibka ah.
Kulankan ayaa waxa furitaankiisii ka soo qayb-galay Taliyaha Ciidanka Socdaalka & Illaaladda Xuduudaha JSL & Agaasimaha Guud ee Wasaaradda Horumarinta Maaliyadda JSL. kulankan, waxa sidoo kale qayb ka ahaa mas’uuliyiin metalayay in ka badan 65 goobood oo shaqo, Ururadda Shaqalaaha & Saraakiil ka socday Ciidanka Socdaalka.
Kulankan ayaa ujeedadiisu ahayd in bulshadu ay ku darsadaan afkaartooda qabyo-qoraalka xeer-nidaamiyaha oo muddo dheer ay Wasaaraddu ka shaqaynaysay. Ugu dambayntiina, waxa uu kulanku ku soo af-meermay guul & midha-dhal buuxa.”
DHAMAAD!
Warbaahinta wasaarada shaqo galinta.