Maamulka New York ayaa sheegtay inay bixinayso $ 180,000 lana siinayo seddex dumar ah oo ay booliisku ku khasbeen in ay ka qaadaan madaxdooda xijaabka si ay uga qaadaan sawirka kaadhka aqoonsiga garsoorka.
Saddexda dumar ah qareenkooda, Tahani Aboushi, ayay ka soo xigtay wakaalada France-Presse, iyada oo sheegtay in mid kasta oo ka mid ah saddexda dumarka ahi ay heli doonto $ 60,000 kaddib markii heshiis la gaadhay horraantii toddobaadkan maxkamadda federaalka ee Brooklyn horteeda halkaas oo horay loogu xidhay.
Aboushi waxay ku tilmaantay go’aanka maamulka magaalada “tallaabo ku habboon jihada saxda ah,” waxayna ammaantay dadaalka guud ee wadajirka ah ee lagu hagaajiyay hagaajinta “buug-gacmeedka” booliska.
“Heshiiska kiiskan wuxuu ahaa faa’idada dhammaan dhinacyada ay khuseyso,” afhayeen u hadlay garsoorka New York ayaa sheegay.
Mid ka mid ah saddexda haween ah ayaa la xidhay sannadkii 2012, halka labada kale la qabtay sannadkii 2015, kadibna waxay dacwad wadaag ah ku soo oogeen degmada iyo bilayska New York.
Tan iyo markii ay go’aansadeen kiiska, NYPD waxa la siiyay tilmaamo cusub oo u oggolaanaya haweenka xijaaban in la geeyo qolal gaar ah haween bilays ahina ka qaadaan Sawirada.
Warqabadka ToggaHerer