“Waxa Isweydiin Leh sababta Rasmiga ee looga Saaray Bisinka Buugta Ardayda loona go’aansaday in ubadka la baro luqada Faransiiska 3 saacado of oo dheeraad ah “Maxamed Salim
Markii ugu horreysay tan iyo madax-bannaanida dalka Aljeeriya buugaagta cusub ee Waxbarashada ayaa waxa ka muuqday sanadkan in laga reebay Bisinka (بسم الله الرحمن الرحيم) taas oo dalka ka abuurtay Dood iyo Muran balaadhan.
Jimciyada Culimada Muslimiinta ayaa ka hadlay iyana Go`aanka Wasaarada Waxbarashadu ay ku dhaqaaqday.
Wasiirada Waxbarashada Nuria Ben Gbrit ayaa xaqiijisay warsaxaafadeed ka soo baxay ku sheegtay in Wasaaradu ay ka saartay Bisinka Buugtii ay soo Saareen bishii Juun ee sannadkan Dugsiyadana la Furay Arabacdii iyada oo sharraxaysa hadalkeeda waxay tidhi”Bisinka waxaa laga helayaa buugaagta waxbarashada Tarbiyada sababtoo ah waa khasab, laakiin ka tirtirka buugaagta intiisa kale waxay mas’uul ka ah kuwa naqshadeynaya iyo kormeerayaasha daabacadaha buugta.”
Jimciyada Culimada Muslimiinta oo ah Jimciyada ugu weyn Ururada Culimada Muslimiinta ee Aljeeriya ayaa ku sheegay weerar “Waa weerar lagu qaaday maskaxda carruurta iyo Jiritaanka dadka Astaanka Aljeeriya iyo iimaankooda.”
Ururku wuxuu sheegay in “khudbadaha Madaxweynaha Jamhuuriyadda iyo dhammaan buugta Waxbarashada afar qarni waxay ka bilaabmaan Basinka”, iyaga oo ku eedeeyay mas’uuliyiinta “waxay isku dayayaan in ay kor u qaadaan carruurta aan diinta laheyn,waxay burburinayaan qiyamka iyo anshaxa” .
Golaha ayaa sidoo kale Su`aal Geliyey Ujeedada Bisinka Lagaga Saaray Buugta Waxbarashada Waxayna Yidhaahdeen ” ujeedada ah in la tirtiro Basinka hadda iyo ajandaha ficilkan noocan oo kale ah laga leeyahay iyo Cida uu u shaqaynayo. ”
Doodo la isku Weydaarsanyo baraha Bulshada ayaa ku tilmaamay go’aankaas mid la yaab leh oo fajiciso ah waxaynu ku sheegeen mid lagaga fogeynayo Caruurta Aqoonsigooda Diintooda waxay ugu baaqeen waalidiinta, macalimiinta iyo barayaasha inay ku daraan Bisinka inta ayna Casharada u bilaabin Caruurtooda .
“Dastuurka Aljeeriya iyo Quraanku wuxuu ku bilaabmaa Bisinka بسم الله الرحمن الرحيم isagoo is waydiiyey sababta rasmiga ee looga Saaray Bisinka Buugta Ardayda loona go’aansaday in la baro ubadka 3 saacadood oo dheeraad ah luqada Faransiiska, isagoo ku nuuxnuuxsanaya in habkan lagu socdo uu halis u yahay Diinta Dalkan iyo iimaankiisa. “Sidaa Waxa Yidhi Aqoonyan ka hadlay Arrintan oo la Yidhaa Maxamed Salim.
Wuxuu ugu baaqay dhammaan macallimiinta iyo waalidiinta in ay ku qoraan Bisinka laga tirtiray Buugta gacantooda si ay u gasho maskaxdaiyo maskaxda ardayda.
Warqabadka ToggaHerer