Macedonia ayaa go’aansatay in ay abaabusho afti ku saabsan xulashada magac cusub oo lagu xalinayo muranka Giriigga ka dhex taagan dhinaca magaca, kaas oo dalbaday in Macedonia magaceeda bedesho si looga fogaado jahawareer dhex mara Macedonia iyo Giriigta Giriiga.
“Diyaarinta aftida ayaa si cad u socota iyada oo la eegayo xal u helida ra’yiga guud ee muwaadiniinta,” ayuu yidhi Zoran Zayev Ra`isal Wasaaraha Macedonia .
Macedonia ayaa la gashay dood dheer oo magaceeda la xidhiidha wadanka ay jaarka yihiin ee Giriigga tan iyo burburkii Yugoslavia ee 1991kii.
Giriiga ayaa ku adkeysanaya in Macedonia ay tahay magaca gobol dalkiisa dhexdiisa ah, waxayna dalbanaysaa in dalka deriskeeda uu magaceeda bedelo si aanay u dhicin wax khalad ahi labada gobol ee deriska ah.
Giriiggu wuxuu ka soo horjeedaa in Macedonia ay ka mid noqoto midowga yurub iyo NATO, Athens sidoo kale waxay diiday magaca 1993 markii ay ku biirtay Macedonia jumciyada Quruumaha ka dhaxaysa.
War saxaafadeedka ka soo baxay Macedonia ayaan wali si rasmi ah shaacin magaca cusub ee aftida loo qaadayo balse warbaahinta ayaa soo xigatay ilo xogogaal ah oo sheegaya in shan doorasho la tixgelinayo: Jamhuuriyadda cusub ee Macedonia, Jamhuuriyadda Macedonia Waqooyi, Jamhuuriyadda Sare ee Macedonia, Jamhuuriyadda Macedonia Vardar iyo Jamhuuriyadda Macedonia Skopje.
Warqabadka ToggaHerer