Maansadii Mashruuc
Maye macalimiintii
Miidii siyaasigu
Maskaxdii cirooluhu
Murtidii abwaanaddu?
**** ****
Intaan miimka loo kicin
Maskaxdaa la tuujaa
Muruqaa la maalaa
Mudankaa la dhawraa
Maansooyin badaniyo
Mahadhooyin reebtaye
Maxaad uga gol-leedahay?
Murti dhaadhigiiyaw
Ma garbaaba xaajadu?
Mise waa gedii kale?
**** ****
Mansabkii dhexyaalee
Midba waax lasiiyee
Ninba uu mudkii helay
Maxaad ugu dudaysaa?
**** ****
Marhaduu karaankiis
Umaxaaf-shay maatadda
Maxastiyo agoomaha
Maxaa lagu gelayaa?
Mandeelaha qarniganee
Maamuuska mudanee
Loo wada midhiidhicay.
**** **** Yaan laga masuugine
Bal qiyaasa maantaba
Intuu meelo dhagax-dhigay?
Inta uu mashruuc furay?
Inta uu mashruuc-wado?
Madad laguma gaadhoo
Ka mug-weyn siday tahaye
Maxaa adiga kuu fuulay?
**** ****
Waa marag madoontoo
Inan yahaw miscirirtiyo
Musdanbeedka reerkuba
Musuq laguma sheegine
Murajacadda daayoo
Kolba kaadh ha muujine
Muusay ku maqan tahay.
**** ****
Wiil midho wacnaayoo
Miisaama hadalkoo
Maansadda abuuroo
Rabigay ku magan saday
Ayaa galab mirqaamoo
Mahadhooyinkii beri
Mugdigii la soo maray
Intuu soo midhmidhiyuu
Muuqooda soo faqay.
Maxaa uga cabaayoo
Meeshaas ku jira weli?
**** ****
Waa iga masalo guud
Muska ooda loo rabo
Raawisi magoysaa?
Ninka Goodir maale
Dhuuxeeda malabsada
Doobi qaad ma diidaa?
Naag masayr-tay jiilaal
Uunsiga ma shidataa?
Macashuna manqotaa
Dhilif idaha ah maarkeed?
|