Tixdan waxa layidhaa (HAATAN) waxay soo baxday 22-01-2017,islamarkaana,waxay ka hadlaysaa Abaaraha saameeyay dad iyo duunyo ee ka jira gayiga soomaaliyeed,dhinaca kale tixdani waxay idin xasuusinaysaa abaaro badan oo soo maray dhulka soomaalida sida Habaaswayn,Hayaan dheer,Jiitama,Ma-haba,Haariya,
- Habtan timi,lodan is-hiigtay,iyo adhigan haaqdaayay
- way kala dhaqaaqeen naflii,heerka nololeede
- Higsi malaha xoolii halqigu ku hamiyaayeene
- Duxna Laguma haysto,hilbiyo caana hoorsiyahe
- Laga Haari Geeli nin ragi Hootadowsidaye
- Habaaswayn,Hayaandheer,iyo Ma-haba way u eegtahaye
- Alaylehe hawaaraa dhacday,iyo heetiyoo kala’e
- Xaaraamo cune waa hadeer, iyo haariyoo timiye
- Adhigabi haday taagantahay,heerki jiitamiye
- dhibiijaale,siiga case,iyo daba dheer hadaa shaashid loo yahaye
- waa hebel ka sheekee,iyo wakhtigi gaadhi gaadhiga’e
- habtii iyo haduun baa lagalay,kala hayaankiiye
- tanna haatan kulmiyaa layidhi laguna haasawye
- gedii hadhkii lagama helo,hadhaca waynaaye
- dudumooyinkii waa la riday,loo hintiqilaaye
- dhulki cawski waa laga hinjay,oo haawiyaatimiye
- hawadii dufbaa waqal ku xidhay aan horow jirine
- hadda duunyo waa laga samree, halis dadkii baa ah
- Aduunyadi hayiin iyo dayiin way maqleen,halistan waawayne
- Hayeeshee wuxuu ruuxtaraa,wayska halahayse
- midda lagu hodmaa,waa Alloo heego soo dira’e
- Allahayow addaa taajiree,roobka nagu hoori
- Afartaa habeeyaye,midkale aandin hidinsiiyo
- waxan la hadlayaa,waa hal-qigan gaadhay halistiiye
- mid waliba siduu doonayo,ayuu u hindi waasaaye
- laga haari khayrkiyo runtii,oo beenti loohoyaye
- ragan kibirka heegada koree,wadda hamuumaaya
- Ee yidhi annaa hebela,anigaa hantile,iyo halo annaa haysta
- Ee yidhi annaa uunka kala haadiyoo hayb u kalla saara
- waa waxa abaaraa dadkii haabahow sudhaye
- is-hubsada,intaan eebahay idin halaakaynin
- Allaa Mahadle
- Abdilahi Xasan Mataan