Waxa u Suurtagashay Ciidamada Difaaca Cirka ee Saudi-ga sabtdiii inay baabiiyaan gantaal Nooca ballistic ah oo lagu soo ganay magaalada Khamis Mushayt gantaalkaas oo laga soo riday Dhulka Yemen sida Ay sheegeen Warbaahinta Saudi Arabia.
Sida uu sheegay Afhayeenka rasmiga ah ee ciidamada isbahaysiga Carabta oo ka hadlay Magaalada Riyadh, Colonel Turki al-Maliki in Gelinkii Dambe ee Sabtidii Difaaca Ciidamada Sucuudiga ee Royal Air ayaa arkay gantaalada ballistic oo laga soo riday gudaha Yemen loona soo riday dhinaca dhulka Boqortooyada.
Colonel al-Maliki ayaa sheegay in gantaalku ku sii jeeday Khamis Musheed lana burburiyey wax dhibaato iyo khasaare ahan geysan.
Maliki wuxuu intaa ku daray in hubka ballistic ee ay haystaan ururada hubaysan oo ay ku jiraan Xuutigu wuxuu khatar ku yahay amniga gobolka iyo ka caalamiga ah labadaba.
Sida ay sheegeen Xuutiyuuntu ciidamadooda ayaa ku riday Gantaal Noociisu yahay “Kaher Tm” Tiiradiisuna tahay dhexdhexaad isla markaana lagu farsameeyey Gudaha Yemen Saldhig Milatari ee king Khalid ee Magaalada Khamiis Musheyd.
Saraakiisha Xuutiyiinta ayaa Yidhi ” Gantaaladayadu hadda si buuxda ayay u diyaar garaysan yihiin, waxayna diyaar u yihiin inay ka jawaabaan oo ay ka hortagaan gardarrada wakhti kasta iyo meel kasta,” waxayna intaa ku dareen “maalmaha soo socda waxay arki doonaan wax la yaab leh xoogagga gardarradu.”
Warqabadka ToggaHerer