 |
|
Waa hees cusub oo lamagacbaxday *Madax weynooow*
posted by: Webmaster
Waa hees magaceeda layiraah *Madax Weynoow*
Ramadaan Kariim
Salaamullaahi Caleykum Ajmaciin
Bulsha-weynta JSL,waxay codsatay isbedel ku yimaada qaranka somaliland,waxay dooneen maamulkii madax-weyne Daahir Riyaale inuu meesha ka baxo maamul kalooy iyagu codsadeena yimaado,isbedel doonkii way ku guulaysteen ujeedadoodii,codkoodaanay ku meel mariyeen isbedelkii ducaysnaa ee ay dalbadeen,si nabadgelyo ahna way ugu hirgashay, anigana waxay igasoo codsadeen inaan hees afkooda ku hadlaysa madax-weynaha uugu diro waana tan heestiiye iga gudooma.
Heesta magaceedo waa Madax-Weynoow,midhaheedana hoos ka eeg
. (1)
Maskax dihinoo
Murti curatoo
Muslin iyo gaal
Madal loo bogay
Looga marag kacay
Oo mas’uuloo
Miidda erey-yada
Laga maaloon
Ku masuugini
Waa muraadkaan
Kuu majeertaye
Murruq iyo talo
Loo midooboo
Loo miyiriyaa
Midho dhaliye’e
Madax-Weynoow
Mahuraan wada
Mucuurtoonaa
Kuu mashxaradaye
Hadii Mawlluhu
Madaxtooyada
Manta kugu simay
Kooraska
Adna mudanoow
Maamul wacanooy
Wixi soo maray
Kaga maarmaan
Uunka maqashii
(2)
Mabd’ adagoo
Micne yeeshoo
Milge iyo sharaf
Iyo maamuus
Ku marriimani
Oo maqaamloo
Wax maroorsama
Murr haday tahay
Ka mildhaawini
Waa miciinkaan
Kaa malaystaye
Mucda qarankoo
Maanku bedqaboo
Loo maleegtaa
Muska ootta’e
Maahirkoodoow
Danyar murugadu
Mashaqaysaa
Kugu meersane
Hadaad mansabkay
Kula maageen
Ugu madax tahay
Kooraska
Adna muanoowd
Maamul wacanooy
Wixi soo maray
Kaga maarmaan
Uunka maqashii
Farriintii isbedel doonku kuma koobna labadaa beyd ee waxan ka reebay beyd sadexaad hadii loo baahdana waan soo raacin doonaa,imikase halkaa aan ku yara hakiyo,isbedel doonkuna raali hayga noqdaan hadaan beydkii sadexaad ka reebay,weliba isbedel doonku laxan ha saartaan idaacadahana ha gaystaan fasax bay u haystaane.
Madax-weynoow adiguna fariinta isbedel doonka ama qoraal ku akhriso ama hees ku dhegeyso kolba tii kuu fududaata.
Ramadaan Kariim
Waa Qalinkii Baruud
Baruud_1@hotmail.com
